Mga kabombo! “Love is a timeless force that binds people together”.
Kun magpakasal ang duha ka tawo, usa kini ka ‘lifelong commitment’, apan sa panahon karon nga wala-tuo ang pagbulaganay, tinuuod pa ba kini nga panultihon?
Tinuod kini para sa mag-asawa sa Brazil nga karon naggunit sa rekord sa pinakadugay nga pag-asawahay para sa couple nga pareho pa nga buhi hangtod karon.
Kini mao silang Manoel Angelim Dino, 105 anyos og Maria de Sousa Dino, 101 yrs.old nga kasado sa sulod na sa 84 ka tuig og 77 ka adlaw sa adlaw nga gihatag sa ilahang magtiayon ang titulo gikan sa Guinness World Records.
Kanaidtong 1940 dihang gikasal sila.
Gikan sa maong tuig, nagbunga ang ilang paghigugmaanay og 13 ka anak og kapin usa ka gatus na ang apo lakip niini ang 55 ka grandchildren, 54 ka great-grandchildren, og 12 ka great-great-grandchildren.
Karon nga bisan pulos tigulang na kaayo, magkauban gihapon sila ilabi na sa pagpaminaw sa rosary prayer sa radyo og pagtan-aw sa televised mass.
Dihang gipangutanan sila kung unsa ang ilang sikreto sa malipayon og dugay ng relasyon? Diretso ang tubag sa duha: “LOVE.”
