Gidakop ang usa ka Filipino American nga ministro gikan sa Iglesia Ni Cristo (INC), nga si Glennon Salvador Payabyab, tungod sa giingong pagsulay sa pagpakigkita sa usa ka 12-anyos nga batang babaye ug pagpadala og dili angay nga mga mensahe.
Si Payabyab, 43 anyos, nadakpan niadtong Abril 3 sa Springville, Staten Island, New York apan gibuhian wala pay 24 ka oras ang milabay, hinungdan sa kahadlok sa komunidad.
Si Liza Vetland, silingan ni Payabyab, nipaambit sa iyang huna-huna sa social media, nga ilang gibati nga dili luwas ang ilang pamilya ilabi na nga duol ra kanila ang balay ni Payabyab.
Gipadayag ni Vetland ang kabalaka nga ang mando sa pagpanalipod nga ilang gipahimutang dili igo aron mapanalipdan ang iyang anak, nga karon nahadlok nga maglakaw pauli gikan sa eskuylahan.
Samtang, usa ka operasyon sa Protect Our Children ug sa New York Police Department miresulta sa pagkasikop kang Payabyab human siya nisugot nga makigkita sa bata. Nag-atubang siya og kasong misdemeanor nga naghulga sa kaayohan sa usa ka bata.
Ang kaso nagpahinabog kusog nga reaksyon sa mga kaubang miyembro sa INC, kinsa miingon nga ‘kini dili usa ka isolated nga kaso ug nanawagan alang sa hustisya ug pagkamay-tulubagon.
