GENERAL SANTOS CITY – Nakuhaan ug hulagway ang usa ka Mindanao flying squirrel (Petinomys mindanensis) sa Mt. Apo Natural Park Cotabato Protected Area Management Office (MANP PAMO) sa monitoring team atul sa biodiversity monitoring activity kaniadtong Hunyo 03 hangtud 08, 2024.
Ang naasoy nga mananap ang endemic na ug gikonsidera nga Least Concern sa International Union for Conservation of Nature (IUCN).
Sumala pa nakita ang flying squirrel alas nueve sa gabii atul sa gipahigayon nga night sampling sa 1,400 meters above sea level. Ang Mindanao flying squirrel ang nailhan sa pagka idlas ug dali nga mubalhin sa mga sanga sa kahoy ug paspas nga mutago.
Kini na ang ikatulo nga higayon nga nakita ang sama nga matang sa flying squirrel sa Mt. Apo atul sa biodiversity monitoring human ang ulahi nga sightings sa Philippine pygmy squirrel ug Mindanao tree squirrel.
Tumong sa biodiversity monitoring aron mabutang sa dokomento ang pagpreserba sa mga makita nga talihurot na nga matang sa tanum ug mananap.
Ang ulahi nga pagkadokomento ang magsuporta sa data alang sa umaabut nga mga pagtuon aron makamugna ug mga estratihiya ug mapaklaro ang importansiya sa Mt. Apo.
