GENERAL SANTOS CITY – Nagkatigom ang miyembro sa Information Coordinating Network-SOCCSKSARGEN (ICON-SOX)Organization, Incorporated sa usa ka lugar sa Koronadal City aron hisgutan ang mga pagpangandam sa ipahigayon nga Mindanao Communicators Network Congress.
Nagpaklaro si Fryan Abkilan, Regional head sa Philippine Information Agency 12 nga adviser sa ICON-SOX sa importansiya sa kooperasyon sa mga aktibong partisipante alang sa kalampusan sa nagkaduol nga panagtigom.
Ang MindaComNet Congress ipahigayon sa Agosto 29 ug 30, 2024 nga gipaluyohan sa Mindanao Development Authority sa tumong nga mapakusgan ang makahuluganon nga paghatod sa serbisyo sa kasamtangang administrasyon nga kabahin sa Bagong Pilipinas agenda.
Sa maong panagtipon magpahigayon usab ug post-SONA event aron i-highlight ang mga kalampusan ug programa sa mga ahensiya sa gobyerno.
