Sulod na sa Top 25 ang Filipino nga negosyante ug magbabalaod nga si Mikee sa World Polo Tour (WPT) amateurs human nakadaog sa bulawang medalya.
Si Romero misaka sa World Rank No. 24 human miiskor og 110 puntos, milabaw sa mga talented nga kakompetensya gikan sa Thailand, Malaysia, ug Brunei. Siya na usab ang tag-iya sa labing sikat nga amateur polo player sa Southeast Asia.
Ang kadaugan maoy resulta sa maayo kaayong pagbansay sa iyang team nga GlobalPort sa 2025 Gauntlet of Polo, diin nakaabot sila sa semifinals sa C.V. Whitney Cup, ug quarterfinals sa U.S. Open Polo Championship sa wala pa mapildi batok sa La Dolfina/Catamount, 11-10.
Matod ni Romero, dili lang kini usa ka kadaugan alang kaniya, kon dili alang sa Pilipinas ug sa world polo arena. “Dili na kami mga tumatan-aw lamang – kami mga magdudula sa arena,” ingon niya.
Dugang ni Romero nga sinugdanan pa lang kini sa mas lapad nga partisipasyon sa Pilipinas sa natad sa Polo sport.
