GENERAL SANTOS CITY – No comment una si kanhing DILG Secretary Mike Sueno kalabot sa pagkapili kang AFP chief of staff General Eduardo Año alang sa pagka-kalihim sa ahensya nga kanhi niyang gidumalaan.
Kini ang tubag sa kanhing DILG chief sa pakighinabi sa Bombo Radyo. Kahinumduman nga una milupad alang sa iyang working visits sa Cambodia, Hongkong ug Beijing kagahapon sa hapon, gipanganlan ni Pangulong Rodrigo Duterte si Gen. Año isip musunod nga DILG secretary.
Matud kang Sueno, kasamtangan una siyang gapahulay hinungdan nga dili na lamang una maghatag ug unsa mang komento kalabot niini.
Apan gibutyag sa kanhing opisyal nga walay problema alang kaniya ang pagtuboy kang Año isip bag-ong DILG chief.
Kahinumduman nga gipalagpot isip kalihim sa DILG si Sueno human malambigit sa kahiwian kalabot sa pagpalit ug mga firetruck sa ahensya.
