Gikataho nga ang New York Knicks gikatakdang makig-estorya sa kanhi NBA head coaches nga sila si Mike Brown ug Taylor Jenkins aron matabangan sila nga makab-ot ang mas dakong kalampusan sa umaabot nga mga season.
Ang maong lakang kabahin sa pagpangita og bag-ong head coach sa Knicks human nila gipalagpot si Tom Thibodeau sa miaging semana, human mapildi sa Eastern Conference Finals ngadto sa Indiana Pacers ug nakaabot sa round sa unang higayon sulod sa 25 ka tuig.
Si Brown usa ka kanhi coach sa Sacramento Kings ug gipasidunggan isip NBA Coach of the Year kaduha. Si Jenkins usa ka kanhi coach sa Memphis Grizzles ug gipalagpot niadtong Marso bisan pa sa maayong kahimtang sa team sa West.
Nasayran nga daghang NBA teams ang wala motugot sa Knicks nga makighinabi sa ilang mga coaches karon sama nila ni Jason Kidd (Mavericks), Chris Finch (Timberwolves), Ime Udoka (Rockets), ug Quin Snyder (Hawks).
