GENERAL SANTOS CITY – May gihuptan na nga mga hulagway kuha sa CCTV ang kapulisan sa sakyanan nga gidudahan nga maoy nagbilin sa patay nga lawas sa traysikol driver sa Purok Minanga, Buayan ning syudad.
Matud ni Police Major Noel Ari Cardos, hepe sa Lagao Police station nga ila ng gina play back ang panagway sa person of interest nga miilog ug mipatay sa nagpangalan ug Alex Lao nga taga Purok Balunto, Labangal ning syudad.
Matud ni Cardos nga gitan-aw nila ang tanan nga anggulo samtang nakapusko karon ang ilang imbestigasyon sa palibut sa crossing conel kung asa narekober ang traysikol sa biktima aron mailhan ang nagmaneho niini una gibilin ang traysikol sa lugar.
May nakakita matud pa sa traysikol sa NLSA road apan lahi ang nagmaneho.
Luyo nga walay record dinhi sa syudad ang biktima apan nag back track sila sa lugar nga gigikanan niini.
Pagsaysay sa Opisyal nga posebli mukapin oras na dihang gipatay ang biktima dihang nakita kini didto sa crimescene.
Nasuta nga human makuha sa mga tagtungod ang patay nga lawas sa biktima gilayon usab nila kini nga gipalubong.
