GENERAL SANTOS CITY- Ablehan ning adlawa alang sa publiko ang duha ka Indonesian warship vessel nga anaa karon midunggo sa Makar Wharf GenSan.
Giawhag ni Lt. James Reyes, tigpamaba sa Naval Forces Eastern-Mindanao ang publiko nga pahimuslan ang higayun nga makasaka sa mga barko sa nasud Indonesia og makit-an ang sulod nga bahin niini samtang ania pa sa dakbayan.
Una ng gibutyag sa opisyal nga duha ka adlaw ang open house sugod karong adlaw hangtud ugma.
Mag-abli kini og alas-9:00 sa buntag hangtod alas-4:00 sa hapon kon asa libre sa publiko. Sa pamahayag ni Lt. Reyes, tumong sa Open house nga mapakita ang landing platform dock capability sa mga barko sa Indonesia.
Gipasidan-an ang mga gustong musaka sa mga barko nga magsul-ob ug komportableng sapot sama sa tshirt, pantalon o short og sapatos.
Aron ma-enjoy ang tour, mas maayong dili na magdala ug daghang mga butang ingon man bata nga dili pa makalakaw.
Sa pahayag ni Lt. Reyes, magpahigayon og ‘Goodwill and Traditional games’ tali sa mga crew sa Indonesian navy og Philippine Navy kauban ang Reservist, PNP Maritime og Joint Task Force-GenSan.
Muhawa ang duha ka barko sa Indonesian navy sa Nobyembre uno.
