Gipasalig sa Microsoft nga gina-imbestigahan na nila ang usa ka isyu human ang pipila ka mga kompaniya, lakip na ang mga kumpanya nga nakabase sa Pilipinas, ang nagreport nga ang ilang mga operasyon apektado sa problema sa serbisyo sa Microsoft karong adlawa.
Nagpagawas usab ug pahayag ang Cebu Pacific nga nagpahinumdom sa mga pasahero niini nga naga-eksperyensya ang kompanya sa karon ug mga isyu sa teknikal, nga ginareport nga may kalabotan sa technology provider nga CrowdStrike, nga nagresulta sa paghunong sa sistema sa Microsoft sa tibuok nga kalibutan.
Sumala sa kompanya, ginatinguhaan nila nga masayran ang hinungdan sa insidente ug makahatag ug regular nga mga update samtang nagapadayon ang sitwasyon.
Ang AirAsia nagbutyag nga ang ilang mga serbisyo naapektuhan usab sa isyu sa Microsoft.
Gipahimangnuan usab sa airline ang mga pasahero nga magbisita sa ilang social media platforms ug sa airasia newsroom sa ilang website para sa mga updates.
Gibutyag nga apektado usab ang uban pa nga mga negosyo sa Pilipinas.
Kahibaluan nga ang outage reporting website downdetector.com nagpakita usab ug pagdaghan sa mga user nga nagareport ug mga outage sa cloud computing platform sa Microsoft nga Azure, ug ang iyang office productivity suite 365.
