GENERAL SANTOS CITY – Magpabiling operational ang mga public transportation atol sa Semana Santa.
Matud ni Jong Facurib, ang administrador sa Bulaong Terminal nga adunay mubiyahe nga mga bus og van ning adlawa, Huwebes Santo hangtod Biernes Santo hinungdan nga aduna gihapon masakyan ang mga commuters.
Ang Yellow Bus Line ang walay biyahe sa Biyernes Santo apan normal ang biyahe sa ubang bus company sama sa Mindanao Star, Husky Bus ug Rural Transit, samtang balik sa normal nga biyahe ang YBL sa Sabado.
Apan ang Yellow Bus Line walay operasyon sa Biernes Santo og mubalik sa normal nga operasyon sa Sabado.
Gibutyag ni Facurib nga magsugod ang biyahe sa mga bus alas sais sa buntag hangtod alas 4:00 sa hapon.
Panawagan sa pamunuan sa Bulaong terminal nga hugot nga tumanon ang ginapatumang minimum health standards kontra sa COVID 19 sama sa pagsul-ob ug face mask, face shield, paghugas ug kamot og social distancing hilabina atol sa pagsakay sa mga public transportation.
Samtang gibutyag ni Facurib nga miaging adlaw, giinspeksyon sa taga LTO-12 ang Bulaong terminal aron nga sutaon ang kondisyon sa mga sakyanan, ingon man mga driver sa ilang mga lisensya ug pagtuman sa health protocols sama sa 50 percent capacity sa pampublikong sakyanan.
