Nagdinaganay ang mga turista human ang Mount Etna sa Italy kalit nga mibuga ug baga nga aso ug abo. Ang maongb panghitabo ang kalit nga nag-viral online sa social media .
Usa ka video nga gipaambit sa social media platform X nagpakita sa gatusan ka mga turista sa ngilit sa bulkan samtang ang higanteng ash cloud mitabon sa kalangitan. Samtang ang uban nagpabiling nagbarog aron masaksihan ang talagsaong talan-awon, daghan ang misugod sa pagdagan paubos sa bukid.
Mabati usab sa video ang dahunog sa pagbuto samtang ang bulkan nagbuga ug liboan ka toneladang bato ug abo.
Nasayran nga ang Mount Etna usa ka aktibong bulkan sa silangang bahin sa Sicily nga gibisitahan sa gibanabana nga 1.5 ka milyon nga mga turista matag tuig.
Bisan pa sa kapeligrohan, daghan ang mibisita aron lang masiplatan ang katahom sa bukid.
Sumala sa mga eksperto, ang nahitabo mao ang pagbuto sa Strombolian — usa ka matang sa pagbuto nga mubo apan gamhanan, ug nagpagawas ug “fire fountain” o mga daghang kalayo, abo, ug dagkong bato.
Sa laing bahin, ang ashfall niini niabot sa Piano Vetore area ug adunay natala usab nga gagmay nga lava flow paingon sa Valle del Bove.
Base sa Italy’s National Institute of Geophysics and Volcanology (INGV), ang ashfall gilauman nga mokaylap pa sa kasadpan-amihanang kasadpan sa nasud.
Gikataho nga taas usab ang seismic activity karon sa bulkan
