GENERAL SANTOS CITY – Nabulabog ang mga tawo sa Bulaong Terminal tungod sa nakaplagang IED sa usa ka unit sa Bus.
Bandang alas 4:51 sa hapon kagahapong adlawa dihang gi-report sa nagpangalang Kelly Gallardo,konduktor, ug drayber nga si Richard Delos sa Yellow bus line Inc.
Adunay body number nga 040 ug plate number NDL 1746 ang nahisgutang bus unit.
Nangayo og tabang sa kapulisan ang mga nasangpit dihang ilang namatikdan ang usa ka tumbler/jag nga adunay mga wires sa may likod nga bahin sa maong bus nga gibilin sa wala mailhing pasahero.
kahibaloan nga ang ruta sa maong bus ang via Koronadal City ug General Santos City nga adunay 2 way stop sa Tupi ug Polomolok, South Cotabato.
Ang gidudahang IED nadiskubrehan sa nahisgutang konduktor ug drayber mga alas 4:51 sa hapon ug gireport sa kapulisan alas 4:52 sa hapon.
Gilayon usab nga narespondihan sa kapulisan ang maong insedente pinaagi sa EOD Team-GSCPO, PS1, CDRMMO ug BFP Gensan ug na – disrupt kini mga alas 5:34 sa hapon.
Sa pagka karun padayon pa ang imbstigasyon sa mga kapulisan sa maong insedente.
