GENERAL SANTOS CITY -Gipresenta ni GSCPO City Director PCOL Jomar Alexis Yap kang Mayor Lorelie Geronimo Pacquiao ang mga suspek sa pagpatay kang PCpl Rasul Alongan kaniadtong Abril 20, sa gabi sa Purok Tomasa, Brgy. Calumpang.
Giila ang suspek nga si alyas “Boyaks”, 30 anyos driver, may upat ka anak, ug residente sa Purok Cogunal, Brgy. Poblacion, Alabel, Sarangani Province nga naaresto sa panagtambayayong sa Police Regional Office 12 kaniadtong April 22.
Matud kang alyas “Boyaks”, gisugo lamang sya nga pusilon ang biktima bugti sa kantidad nga 10,000 pesos.
Ang usa pang suspect sa pagpatay kay PCpl Alongan mao si Alyas “Anna” ,36 , may asawa ug nagpuyo sa DECA Homes, Barangay Calumpang.
Matud usab sa nahisgutan nga nahimo niya nga ipapatay ang biktima tungod sa pag-aabuso ug grabing hulga niini kaniya.
Samtang kusganong ginokondena ni Mayor Pacquiao ang maong krimen nga gikamatay ni Pcpl Alongan.
Gibutyag sa Mayor angay lamang atubangon sa mga suspek ang bayad sa ilang gibuhat nga krimen.
