GENERAL SANTOS CITY- Kun dili iagi sa mga kadalanan, ginapalusot sa mga smugglers ang mga iligal nga sigarilyo sa dagat.
Matud ni Mike Cariega, Hepe sa Customs Intelligence Service sa BoC Sub-Port Gensan, kung dili makalusot sa mga checkpoints, ang himuon sa mga nasampit mao ang pagsubay sa mga alternatibong mga ruta.
Gibutyag sa maong opisyal, ‘creative’ kon daghan na usab nga pamaagi ang ginahimo sa mga smugglers.
Gihimong ehemplo ni Cariega ang pagkakumpiska sa kapin P8 million kantidad sa smuggled nga sigarilyo sa checkpoint sa Tantangan South Cotabato kung asa gikarga sa dumptruck.
Ang mga sigarilyo ang gipailawman og mga balas. Sa pikas bahin, ang nakumpiska usab nga mga iligal nga sigarilyo sa Sultan Kudarat nga kantidad og kapin sa P3million ang gikarga sa reefer van.
Nabisto kini sa dihang girespondihan sa kapulisan tungod nalambigit sa aksidente.
Hinuon sumala ni Cariega nga may hugot na silang koordinasyon karon sa mga lain laing government agencies aron masumpo ang cigarettes smuggling sa rehiyon
