Usa ka katingad-an nga uso ang nahitabo sa China , diin ang mga single nga babaye nga nag-edad 20 hangtod 25 nagpakuha ug mga litrato sa maternity nga nagsul-ob og peke nga mga tiyan nga gigama sa silicone.
Ang tumong niini nga uso mao ang pagkuha sa mga maternity photos sa mga babaye samtang sila batan-on nindot tan-awon sexy ug “fresh”.
Alang sa kadaghanan, ang mga litrato sa maternity usa ka espesyal nga remembance, mao nga adunay mga babaye nga Intsik nga nagplano ug pagkuha sa ilang mga litrato samtang fresh pa sila tan-awon.
Ang uso nga gitawag og “premade maternity photos” nahimong viral human kini gipaambit sa usa ka Gen Z influencer, nga si Meizi Gege gikan sa Hunan China.
Ang peke nga silicone bellies dili bag-o sa China; una kining nahimong popular isip costume sa mga pranks ug jokes kapin sa usa ka dekada na ang milabay.
Karon, ang mga disenyo niini mas gipauswag —nga lainlain ang gidak-on, kolor, ug panapton—aron morag tinuod nga mabdos nga tiyan.
Apan uban sa pagkapopular sa kini nga uso, ang pipila ka mga sektor usab adunay mga kabalaka.
Nagtuo sila nga kini mahimong mosangpot sa dili tinuod nga mga sumbanan sa katahum, sama sa paghunahuna nga ang mga babaye kinahanglan nga magpabilin nga slim ug tan-awon nga batan-on bisan kung sila mabdos.
Bisan pa sa kontrobersiya, ang premade maternity nga mga litrato padayon nga natagamtaman isip kabahin sa nagkadako nga kultura sa pagdayeg sa imahe ug pagkahimong “social media-worthy”.
