GENERAL SANTOS CITY – Gikumpirma ni Police Lt. Col. Lino Capillan, tigpamaba sa Police Regional Office-12 nga gipailawom bag-uhay lamang sa random drug test ang kapulisan sa PRO-12.
Subay sa kamanduan ni PRO-12 Regional Director Alfred Corpus, hugot nga ipatuman ang maong surpresang drug test kabahin sa gipatumang internal cleansing sa PRO-12 sa ilang han-ay.
Kini tungod gustong mapakita sa pamunuan sa PRO-12 nga sensiro sila sa ilang kampanya sa paghinlo sa han-ay sa kapulisan batok iligal nga droga.
Pinaagi niini masayran kung adunay mga police sa PRO-12 nga nalambigit sa paggamitan ug iligal nga droga.
Gipaklaro ni Police Lt. Col. Capillan nga walay exception sa random drug test tungod apil ang mga opisyal sa kapulisan, non commissioned officer, commissioned officer ingon man ang mga non uniformed personnel ang misumite sa ilang ihi aron ma-examine.
