GENERAL SANTOS CITY – Adunay polisiya na nga gipatuman ang Dr. Jorge Royeca Hospital dinhi sa dakbayan nga did-an ang miembro sa media sa sulod mismo sa ospital.
Kalabot niini, gibutyag ni Glenville Gonzales ang overseer sa maong tambalanan nga angayang respituhon ang ‘privacy’ sa mga pasyente hinungdan nga dili basta-bastang tugtan nga makuhaan sila og video.
Kini tungod adunay laing mga pasyente nga dili mahimong ipagawas sa publiko ang ilang kahimtang sama sa rape cases, HIV case og uban pa.
Hinungdan nga gihangyo ni Gonzales nga kung adunay pangutana, mahimo nga makig-estorya ngadto kaniya o kaha kang Dr. Ryan Aplicador ang chief of Hospital o kay Roland Gonzales, executive officer sa tambalanan.
Sa bahin sa mga pasyente nga kung magpa-interview mahimong pagawason sa lawak ang ilang kabanay aron interbyuhon.
