Nagmantini ug lugaw nga gibutangan ug asin ug paminta samtang gainum ug tubig gikan sa aircon ang mukapin saysenta ka tripulante nga sakay sa BRP Teresa Magbanua (MRRV-9701) sulod sa tulo ka semana samtang atoa sa Escoda shoal.
Kini ang pagsaysay sa mga sakay sa nahisgutang barko human sa pipila ka semana nga ginababagan sa Chinese forces ang resupply missions padulong sa nahisgutang barko.
Nakatabang matud pa sa pagkolekta ug tubig ang fresh water generator aron i convert ang dagat aron ilang mainum samtang ginatigum usab ang tubig gikan sa ulan.
Gani gikulang matud pa ang mga suplay nga gihagbong sa eroplano kaniadtong Agusto 28 kadto lamang matud pa sila nahatdan ug pagkaon sukad miabut sa shoal kaniadtong Abril.
Sa lima ka bulan nga pagtiner sa lugar upat matud pa ka sundalo ang nakasinate ug gastroenteritis, uban na dehydrate ug nakasinate ug gout.
Nahimo matud pang bahad kanila ang danyos duol sa engine room dihang gibanggaan sa Chinese Coast Guard kaniadtong Agusto 31.
