GENERAL SANTOS CITY- Angayan nga hatagan una ug usa ka semana aron mapahurot ang ilang stocks una gipatuman sa syudad ang price ceiling, kini human gibutyag sa mga rice retailers nga nakalitan sa kalit pagpaubos sa presyo sa bugas .
Sumala kang Raffy Bancuyan usa sa rice retailer nga kung nangunsulta lang unta ang LGu mugawas ang kamatuoran nga dili lang mga konsyumente ang apektado apan apil sila nga rice trader.
Gimahay pa niini ang LGu nga walay klaro nga information dessimanation tungod sa social media giagi ang pahibalo human giangkon nga wala sila masayod tungod ang kamandu-an sa Mayor ning syudad giagi matud pa sa social media.
Hinuon giangkon niini nga wala silay mahimo kundi tumanon ang kamandu-an sa gobyerno pugos silang musunod niini.
Giangkon usab niini nga palugi na ang pagpamaligya tungod kinahanglan pa nga hutdon ang napalit nila nga stock una sila makabawi tungod taas pa ang presyo sa bugas dihang ila nga napalit.
Gikumpirma niini nga muobos gayud ang presyo sa bugas tungod nagsugod na ang harvest season busa normal usab muobos ang presyo niini sa merkado.
