GENERAL SANTOS CITY – May gitudlo nang responsable sa pagsunog sa van sa Lumasal, Maasim Sarangani.
Kini human giangkon ni Sarangani provincial director Sr Supt. Joseph Semillano nga may nailhan na sa mga suspek nga ila nang ginaproseso ang pagpasaka ug kaso.
Extortion ang gitudlo nga hinungdan sa kapulisan luyo nga gisusi pa ang uban nga motibo.
Mahinumduman nga miaging gabii gisakyan sa suspek ang usa ka passenger van apan pag-abut sa niini sa Lumasal, Maasim kalit nagmando ang pasahero nga ipahunong ang sakyanan ug didto migawas ang tulo ka mga armadong lalaki ug gipapanaug ang mga sakay ug gidauban ang sakyanan.
Gani gina-andam na sa iyang mga ginsakpan ang pagpasaka ug kaso sa wala gipanganlan nga mga suspek.
Tulo matud pa ka mga tawo ang mihimo niini hinungdan nga naabu ang passenger van nga mukapin usa ka milyon ang kantidad.
Gilayon usab nga nagpatawag ug tigum sa transport group si Semillano aron himu-an ug mga paagi aron makontrol ang pagsaka sa dili maila nga traysikel.
