GENERAL SANTOS CITY- Gawasnon gihapon ang mga responsable sa pagpusil-patay sa usa ka barangay kagawad sa Sapu Masla, Malapatan, Sarangani Province.
Kahinumduman nga upat ka wala una gihinganlan nga mga suspek ang gikabutyag nga mihimo sa pagpusil-patay sa biktima nga si Haron Malagos.
Kahibaluan nga nailhan matud pa sa asawa sa biktima ang mga suspek, ug maoy kasamtangang gabarog nga testigo, human matud pa mismo nakita ang mga hitsura sa mga suspek.
Base sa mga nakalap nga impormasyon sa kapulisan, gikabutyag nga ang mga suspek ang paryente matud pa sa usa ka Kagawad Sambaga, sa Malapatan gihapon, nga una nang gi-operisyunan sa kapulisan.
Sa karon nagpadayon ang hot pursuit operation sa kapulisan batok sa mga responsable sa maong krimen.
