GENERAL SANTOS CITY – Posibleng dili na makabalik pa sa ilang gipuy-an ang mga residente sa Sitio Glamang, Barangay Datal Anggas, Alabel human gibaha miaging adlaw.
Gani nagpadayon ang gihimong pag-ihap sa mga nabiktima sa pagbaha samtang nakahatud na ug relief goods ang Munisipal Disaster Risk Reduction Manmagement Office sa lugar.
May natigayon matud pang makusog nga pag-ulan sa kabukirang bahin sa Davao del Sur nga hinungdan sa pagkanaug sa tubig baha.
Matud ni Christian Jay Laya ang Municipal Pulic Information Officer nga nahatagan na ug relief goods ang mga biktima samtang mipasilong sa ilang mga bakanay.
Bisan sa nahitabo apan gikonsidera gihapon nga swerte matud pa ang mga residente tungod walay kinabuhi nga nakalas luyo nga makusog nga tubig ang miagis a lugar.
Gani usa ka kalabaw ug onse ka baboy ang naanod samtang daghang balay ang naguba.
Samtang gibaha usab ang usa ka poultry farm sa Maribulan, Alabel apan walay mga tawo nga nadamay.
Gibutyag usab sa opisyal nga sentro karon ang Alabel sa mga pagbaha nga natigayon niini nakalabay nga bulan.
Hinuon nakasinate usab ug pagbaha ang uban nga lungsod sa Sarangani sama sa Glan ug Maitum.
