Mga residente sa LA gipaamping gihapon tungod sa peligro sa wildfire

Nagpadayon ang mga awtoridad sa Los Angeles sa pagtambag sa mga residente nga mahimong alerto tungod kay ang peligro sa sunog wala pa matapos.

Matud ni Los Angeles Fire Chief Kristin Crowley nga lauman ang kusog nga hangin nga mosangko sa mga wildfire sa lugar.

Kapin sa 88,000 ka mga residente ang nagpabilin nga gibakwit samtang dul-an sa 85,000 ang ubos sa mga pasidaan sa pagbakwit.

Gipakatag na usab sa mga awtoridad ang mga bombero sa gitawag nga “high-fire-risk areas” sa Los Angeles ug ang mga awtoridad wala gihapon mohunong sa pagpangita sa mga balay aron makit-an ang nasunog nga mga residente.

Gidakop usab nila ang kapin sa 50 ka mga tawo nga nanlimbasug sa pagsulod sa mga balay ug nagapangawat.