GENERAL SANTOS CITY – Adunaay madangpan ang mga katawhan kung may reklamo kontra sa abusador nga driver o operator sa Public utility Vehicle (PUV)dinhi sa dakbayan sa Heneral Santos.
Matud ni Engr. Risa Patches, ang labaw sa Public Safety Office(PSO) nga sulod pa lang sa duha ka semana namugna ang ilang buhatan.
Sa mga magpadangat og reklamo, pwedeng personal nga mudiretso sa PSO o kaha ipadala pinaagi sa email o tawag.
Gibutyag niini nga angayang kumpleto ang mga detalye sa reklamo o mas maayo pa gani nga makakuha og video o hulagway sa nahitabo nga basehan sa pagreklamo.
Nasayran nga daghang pasahero ang mureklamo sa Motorized Franchising and Regulatory Board (MTFRB) aron gilayon nga ma-aksyunan.
Sa karon ang sagad sa reklamo nga nadawat kalabot sa mahal nga singil sa mga driver sa pamasahe.
Sa iyang pamahayag nga may ipagawas nga regulasyon og mga patakaran sa MTFRB.
