Lakip sa gi-imbestigahan sa Criminal Investigation and Detection Group sa Philippine National Police ang mga pulis nga naghawid kaniadto sa kaso sa pagpatay kang retired Police General ug kanhi Philippine Charity Sweepstakes Office kon PCSO Board Secretary Wesley Barayuga.
Sumala ni PNP Spokesperson PCOL Jean Fajardo, natahasan ang Internal Affairs Service sa imbestigasyon sa kapulisan tungod sa posibleng nagpasagad o kaha cover up sa pagpatay kang Barayuga.
Gawas niini, naghatag na usab og derektiba si Philippine National Police Chief Police General Francisco Marbil nga lakip sa imbistigahan kung nagamit ba ang diplomatic pouch sa pagpadala og kwarta ngadto kang Col Rolan Villela, ang bana ni kanhi PCSO General Manager Royena Garma.
Nasayrang si Garma, usa sa giduot nga utok sa pagpatay kang Barayuga, base sa pagbutyag sa myembro sa PNP Drug Enforcement Group nga si LT. Col. Santi Mendoza atol sa pagdungog sa house quad committee.
