Nipagawas ug bag-ong kamanduan ang labaw sa Philippine National Police (PNP) nga si PGen. Nicolas Torre III nga tangtangon ang service firearms sa mga polis nga mapakyas sa pagkab-ot sa proficiency standards sa pagpabuto sa ilang armas.
Kini maoy pasidaan sa hepe human gipahibalo sa interbyu ang gikatakdang eksaminasyon sa mga polis sunod buwan.
Matod niya nga magsugod ang eksaminasyon gikan sa mga top leadership position hangtod sa mga patrolman.
Sa usa ka higayon sa interbyu, nikomedya siya nga mipahibawo nga iyang ilisan og bolo ang service firearms sa mga polis nga mapakyas sa proficiency test.
Samtang, himuon na usab sa PNP ang marksmanship nga sukdanan sa pag-promote sa mga pulis, gawas sa mga naunang direktiba sa gidaghanon sa mga dinakpan ug physical fitness sa ilang ranggo
