GENERAL SANTOS CITY – Anaa sa isolation facility sa matag barangay ang mga police nga nagpositibo sa COVID 19.
Matud pa kang P/Maj. Rissa Hernaez, ang tigpamaba General Santos City Police Office (GSCPO) nga kung mugawas nga positibo sa COVID 19 ang usa ka pulis gilayon sila nga makig-alayon sa matag barangay aron dad-on sa isolation facility.
Matud ni Hernandez nga may mga paagi usab nga gihimo ang ubang barangay tungod puno na ang mga isolation facility .
Kahibaluan nga daghang mga pulis ang nagpositibo na sa COVID 12 base sa profile cases nga gipagawas sa lokal nga gobyerno sa syudad.
Samtang tulo ka presinto sa kapulisan nga mao ang Makar Police Station, Bula, Police Station og San Isidro Police Station ang nag lockdown tungod gipailawom sa quarantine ang ubang mga personahe human nga may bilanggo nga nagpositibo sa COVID 19.
Samtang gikumpirma ni Hernaez nga may nadawat sila nga kamanduan nga pwede nga kasuhan ang usa ka station commander kung may sayop nga nahimo nganong nagpositibo sa COVID 19 ang iyang sakop .
Sa pamahayag ni Hernaez nga kanunay sila nga gapahimangno sa mga ginsakpan nga magsunod sa mga patakaran aron makalikay sa COVID 19.
