GENERAL SANTOS CITY – Welcome alang kang Kapitan Ryan Arthur Dupalco sa Barangay Calumpang ang pag-postpone sa Barangay ug Sangguniang Kabataan Elections (BSKE) gikan Disyembre 2022 ngadto sa 2023.
Matud ni Kapitan Dupalco, ang pagsibog sa maong piniliay ang miagi sa proseso kung asa gihisgotan sa mga magbabalaud una pa nakapasa og nahimong hingpit nga usa ka balaud.
Nagpasalamat kini tungod mapadayon pa niya ang daghang proyekto nga nakalinyada alang sa ilang barangay.
Gibutyag ni Kapitan Dupalco nga prayoridad sa pagkakaron ang pagpasemento sa mga kadalanan.
Lakip niini ang dalan sa Purok Felomina, Santa Cruz, Prk Malinawon, Crisostomo, may bahin sa Passionist, dalan tali sa Meliana og Lily Valley kung diin anaa sa P5 million ang pondo nga ilang gipangayo sa National government, portion sa dalan sa Purok Cahilsot og Purok. Acharon.
Sa iyang pamahayag, ginahimo nila nga mga opisyales sa Brgy Calumpang ang tanang makaya aron mahatud sa ilang mga kontituwente ang tanang serbisyo nga gikinahanglan.
