Nabalaka si Marikina Rep. Marcy Teodoro sa pagkadiskobre sa nahuman na nga mga proyekto nga gipondohan pag-usab ubos sa 2026 National Expenditure Program (NEP).
Gitataw ni Teodoro nga ang mga proyekto nga nalakip sa NEP giandam sa mga ahensya o gikan mismo sa Department of Public Works and Highways (DPWH) ug dili sa mga kongresista.
Gitumbok ni Teodoro ang slope protection sa Balanti Creek, Barangay Sto. Niño, nga nahuman kaniadtong 2023, samtang siya niingon nga adunay ubang importanteng infrastructure projects nga kulang og pundo.
Matud pa ni Teodoro nga daghan usab ang mga proyekto sa ubang mga lugar nga angay unahon apan dili maapil sa NEP, sama sa gubaon o libaong nga bahin sa JP Rizal gikan sa Marikina hangtod sa San Mateo Rizal, nga hilabihan ka delikado sa mga motorista ug mga biyahedor.
Tungod niini, si Teodoro niinsistir nga ang DPWH kinahanglang adunay makuting konsultasyon ug koordinasyon sa mga lokal nga kagamhanan aron masiguro nga ang mga proyekto nahisubay sa master plan ug konektado sa drainage system.
Gihingusgan ni Teodoro nga kung dili kini buhaton, ang pundo nga gigahin alang sa mga proyekto nga dili makaayo sa mga lungsuranon ug mabaliwala ra.
