Kumpiyansa ang House prosecution panel nga mahimong patas ug walay pinalabi ang mga senator-judge sa impeachment trial ni Vice President Sara Duterte.
Matud ni House prosecution spokesperson ug Lanao del Sur Rep. Zia Alonto Adiong, ilang gipaabot nga sundon sa mga senator-judge ang mga lagda sa impeachment court ug tahuron ang proseso.
Dugang usab sa prosecution ang importansya sa personal nga pagtambong sa mga senator-judge sa mga hearing.
Matud nila, mas makatabang kini aron direkta nilang makita ug madungog ang mga testigo ug masusi ang ilang mga pahayag, lihok ug paagi sa pagtubag.
Samtang, matud ni Manila Rep. Joel Chua, nanumpa ang mga senator-judge nga mahimong politically impartial o walay pinalabi sa ilang paghukom.
Sumala sa prosecution, kinahanglan ibase sa mga senator-judge ang ilang mahimong desisyon sa balaod, mga ebidensyang gipresentar ug sa ilang personal nga nakita ug naobserbahan atol sa paglilitis, ug dili sa mga konsiderasyong politikal.
Apan gipatin-aw sa prosecution nga wala sila nangayo nga pugson sa presiding officer ang mga senador nga personal nga motambong, tungod kay anaa gihapon sa gahum sa impeachment court ang desisyon kalabot sa ilang pagtambong.
