GENERAL SANTOS CITY – Usa ka dakong dungog sa Filipino Community sa Italya ang paghatag og igong pagtagad ni Pope Francis sa Pillipinas sa natigayong misa karong adlawa.
Matud pa kang Bombo International correspondent Sally Garcia nga lumad nga taga Laguna sa Pilipinas nga ang mga pinoy sa Italy ang nagsaksi sa misa pinaagi sa telebisyon og internet gumikan dili makagawas tungod sa pandemnya.
Limitado ang giimbitahan sa Vatican alang sa maong okasyon.
Sa pamahayag niini nga kung walay pandemnya basin puno og mga pilipino ang St. Peter Square.
Ilado sa Italya nga relihiyoso ang mga pilipino.
Samtang sa pakighinabi usab kang Norhaya Abdul , usa ka Pinay nga atua sa Livorno Italy, gibutyag niini nga gitagaan gayud ug hugot nga pagtagad sa Santo papa ang selebrasyon.
Gibutyag usab sa asawa ni Abdul nga si Frederico Marino, usa ka Italyano, nga gikalipay pagmaayo sa Filipino community sa Italy ang pagpanguna sa Santo papa sa misa.
Kahibaluan nga karong tuiga ang ika-500 ka tuig nga anibersaryo sa kristyanismo sa Pilipinas sa dihang nag-abot sa nasud ang grupo ni Ferdinand Magellan kaniadtong 1521.
