GENERAL SANTOS CITY – Walay natala nga biktima o kaha nahimong hostage nga mga Pinoy sa nagpadayong giyera sa Israel.
Kini ang gipaklaro ni Noemi Maring, bombo international correspondent sa Israel kung asa gikabutyag niini nga walay kompirmasyon ang gikaingong adunay Pinoy ang nahimong hostage sa mga Hamas.
Saysay pa niini nga masaligon sila sa lakang sa gobyerno sa Israel nga dili sila pasagdan.
Sa iyang paghulagway daw nag lockdown ang maong lugar gumikan gimanduan sila nga dili mogawas sa ilang mga panimalay sa katuyuan nga basin makasugata ang grupo sa Hamas nga ang uban niini naka sulod na sa ilang lugar.
Dugang pa niini nga ila gilayong mabatian ang mga rockets nga maigo sa nasud gumikan adunay himan ang ilang gobyerno nga mo-detect niini.
Kahibaloan nga nagpasalig na ang Punong Ministro sa Israel nga si Benjamin Netanhayu nga mobalos sa pagpanghasi sa Hamas.
