GENERAL SANTOS CITY -Gisaysay sa mga Pinoy nga gapuyo sa mga lugar sa Europa ang grabeng katugnaw nga ilang nasinatian, dungan sa peak se winter season.
Sa pakighinabi sa Bombo Radyo GenSan kang Chelyn Saez, taga-Alpine Ville sa Brgy Lagao ning siyudad nga kasamtangang didto nagpuyo sa Paris, France, sukad matud pa adlaw’ng Lunes grabe na ang pag-ulan ug snow sa Paris area, kung saan nasa -10 degrees celsius ang temperatura, ug hilabihan gayud katugnaw.
Bisan paman, wala matud pay epekto sa dagan sa ilang public transportation ang nahisgutang kahimtang sa ilang ilang klima.
Samtang, matud usab kang Anevi McGowan, taga-Alegria, Alabel ug kasamtangang nagpuyo sa York, England human nakapamaba ug English man, severe weather condition ang ilang nasinatian. Gumikan niini, wala matud pay klase karon sa nasampit nga lugar.
Gumikan matud pa kini sa nasinatiang Siberian cold wind kon ginatawag nga beast of the east. Gikabutyag nga sa siyam ka tuig niyang pagpuyo sa nahisgutang nasud, karon pa lamang siya nakasinati ug susamang sitwasyon ug katugnaw.
Gumikan niini, daghan matud pang biyahe sa tren ang nadelatar, apan mas grabe sa ubang lugar sa Scotland, kung asa daghang mga flights ang gipangkansela.
