Mga pinoy nga kabahin sa meet and greet ni Pangulong Ferdinand Marcos Jr sa Japan gilaoman nga mokabat sa usa ka libo sumala sa usa ka Bombo International Correspondent

GENERAL SANTOS CITY – Gibutyag ni Bombo International Correspondent Hannah Galvez sa Japan nga anaa sa 1,000 ka mga pinoy ang kabahin sa greet and meet ni Pangulong Ferdinand Marcos Jr. sa Japan sa adlawng Domingo.

Matud pa niini nga sa unang gikasabutan nga 300 lang ang capacity sa venue apan mas gipadak-an hinungdan nga nadugangan ang ihap sa mga makigkita sa pangulo.

Sa iyang pamahayag nga masuwerte siya tungod kabahin siya sa grupo sa mga Pilipino nga makigkita sa pangulo.

Gikadugang pa niini nga sa pagbisita sa pangulo sa Japan mahimong mausab ang mga patakaran nga istrikto og taas ang proseso sa regulasyon sa pagpadala og mga trabahante sa maong nasud.