Makadawat ug tig P150,000.00 pinansiyal nga tabang ang mga Filipino sa Lebanon nga boluntaryong magpa-repatriate pabalik sa nasud human ang tensiyon sa naasoy nga nasud.
Sumala kang Department of Migrant Workers (DMW) Secretary Hans Leo Cacdac, gidoble nila ang ayuda alang sa mga Filipinong repatriates human ang direktiba ni Pang. Ferdinand Marcos Jr., nga rebyuhon ang financial rates.
Gikadugang ni Cacdac nga ang cash assistance nga ihatag sa gobyerno sa mga repatriates ang gikan sa DMW ug OWWA kung asa tig P75,000 ang ihatag.
Gikumpirma usab ni Cacdac nga una mahuman ang semana takda nga muabut sa nasud ang 45 ka Filipino repatriates.
Kasamtangan miupailawom sa Lebanese procedures ang mga nahisgutan.
Una nga gibutyag ni Cacdac nga adunay 1,000 ka mga Filipino sa Lebanon ang nagpadayag nga mupauli sa nasud.
Hugot usab nga gimonitor sa DMW ang 100 Filipino nga atoa sa southern Lebanon.
