Gihatagan ug pag-ila sa Azerbaijan ang namatay nga piloto ug mga pasahero sa Azerbaijan Airlines nga nag crash sa Kazakhstan nga gikamatay sa 38 ka mga tawo human naigo sa gipalupad nga Russian air defenses nga alang unta sa Ukrainian drones.
Ang Flight J2-8243 nahagsa kanaidtong myerkules sa syudad sa Aktau sa nasud Kazakhstan human nag divert gikan sa southern Russia kung asa nagpahigayon pagpangatake ang mga Ukrainian drones sa lain laing bahin sa syudad.
Gihatagan ug full honors si Captain Igor Kshnyakin ug co-pilot Alexander Kalyaninov mga ethnic Russians apan Azerbaijan citizenship kauban ang flight attendant nga si Hokuma Aliyeva msa usa ka seremonya sa central Baku nga gitambungan ni President Ilham Aliyev ug asawa nga si Mehriban.
Gidayeg ang mga piloto sa pagatugpa sa eroplano hinungdan nga naluwas ang 29 ka mga tawo nga nagresulta usab sa ilang kamatayon.
Matud sa Azerbaijan presidential office nga kontrol sa piloto ang eroplano apan nadismaya dihang nangita ug katugpahan.
Bisan ug nabangag ang lawas sa eroplano nagbaga kini sa iyang crash landing .
