Mga Pilipino sa Israel gibantayan sa PH Embassy human sa pag-atake sa Iran

Gitambagan sa Philippine Embassy ang lokal nga Filipino community nga moadto sa “protected spaces” human ang Iran naglusad og ballistic missiles sa Israel karong Martes.

Dugang pa sa embassy nga kinahanglang tumanon sa mga Filipino ang guidelines nga gi-issue sa Home Front Command.

Kini nunot sa pag-anunsyo sa paglusad sa Iran sa mga ballistic missiles sa Israel niadtong Martes, isip balos sa kampanya sa Israel batok sa mga kaalyado ni Hezbollah sa Lebanon.

Sa usa ka taho , “Ang mga alarma gipalanog sa tibuok Israel ug ang mga pagbuto madungog sa Jerusalem human ang mga Israeli nagpundok sa mga bomb shelter.”