GENERAL SANTOS CITY – Hugot nga gipahinumdum si City PNP Director Col. Jomar Alexis Yap sa publiko nga tumanon ang patakaran sa pagsulod sa oval plaza ang sentro sa mga aktibidad sa Paskohan sa GenSan 2022.
Matud pa sa maong opisyal nga hugot nga gibawal ang pagdala og armas lakip na ang mahait nga mga hinagiban.
Bawal usab nga magdala og posporo, lighter, og mga pabuto.
Hugot usab nga gidili ang pagdala og backpacks og wala usab gitugotan ang pagsul-ob og baga nga jackets. Sa pagsulod sa entrance tanggalon ang kalo og facemask aron masayran ang identity.
Matud pa sa kapulisan nga dili nila kaya ang pagbantay sa palibot hinungdan nga kinahanglan ang kooperasyon sa tanan.
Dili usab kalimtan ang mga health protocols gumikan nagpabilin pa ang bahad sa COVID 19.
