GENERAL SANTOS CITY – Gidili na ang pagpasakay og mga pasahero sa mga truck ug pick-up
Kini ang gibutyag ni Land Transportation Office (LTO ) 12 Regional Director Macario Gonzaga sa pakighinabi sa Bombo Radyo GenSan.
Subay kini sa memorandum nga gipagawas ni LTO Assistant Secretary Edgar Galvante nga mao ang Republic Act 4136 o pagdili sa operasyon sa mga sakyanan nga overloading kon asa lakip ang dili pagpasakay sa mga truck o pick-up ug pasahero sa likod nga bahin.
Kini human nga gipatawag mismo ni Pangulong Rodrigo Duterte ang mga opisyal sa LTO, Department of Transportation (DOTr), Highway Patrol Group ug Philippine National Police (PNP) may kalabutan sa nahitabong disgrasya sa Tboli South Cotabato nga gikamatay sa 23 ka indibidwal.
Gihingsugan sa pangulo nga kinahanglang maundang na ang maong panghitabo hinungdan nga gipakusgan ang road safety campaign ug ang road worthiness sa sakyanan.
Matud pa nga kung sa miaging panahon daw sa nakonsenti ang pagpasakay sa mga pasahero sa likod sa dumptruck, pick-up ug ubang sakyanan, sa pagkakaron dili na kini mahitabo tungod makaangkon ug bayolasyon kon asa ang penalty ang mukabat sa P5,000.
