GENSAN –Nagsugod na ang padaghan sa mga tawo sa Bulaong Terminal samtang daghang pasahero ang nangandam nga manguli sa ilang mga probinsya.
Sukad pa sa sayo sa buntag, makita na ang taas nga linya sa mga pasahero nga nagbitbit sa ilang mga bagahe ug naghulat sa mga bus padulong sa lain-laing lugar sa Mindanao ug uban pang probinsya.
Kadaghanan sa mga pasahero nagpauli aron makig-uban sa ilang pamilya, samtang ang uban gusto nga malikayan ang posibleng kakulangan sa sakyanan sa mosunod nga mga adlaw.
Tungod sa pagdagsa sa pasahero, nagdugang og biyahe ang pipila ka bus companies aron matubag ang panginahanglan sa publiko.
Gipahimangnoan usab ang mga pasahero nga magbantay sa ilang personal nga mga gamit ug mosunod sa mga lagda sa terminal alang sa hapsay ug luwas nga biyahe.
