-- ADVERTISEMENT --
GENERAL SANTOS CITY – Giawhag sa mga pari dinhi sa dakbayan ang mga debotong katoliko nga mutamod sa mga aktibidad sa Semana Santa.
Unyang gabii, alayon sa pagtamod sa Miyerkules Santo, magpahigayon ug recollection sa Our Lady of Peace and Good Voyage, kung asa giimbitahan ang tanang mga deboto nga mutambong.
Samtang ugma, Huwebes Santo ipahigayon ang Washing of the Feet.
Pagka-Biyernes, live nga mapaninawan sa Bombo Radyo ang 14 Stations of the Cross sa pagpanguna sa Bula Parish Church.
Ug pagka-alas-12:00 sa udto mao ang Seven Last Words of Christ, kung asa pagkahuman niini, mag-sign off ang Bombo Radyo hangtod sa Sabado de Gloria, ug subling mubalik sa pagsibya sa Domingo sa Pagkabanhaw, Abril 16.
-- ADVERTISEMENT --
