Nagtagbo ang mga opisyal sa gobyerno, siyentista, akademya ug eksperto sa kadagatan aron magbayloay og mga opinyon ug magtinabangay sa pagpangandam sa Pilipinas alang sa pag-apil niini sa ikatulong United Nations Ocean Conference (UNOC) nga ipahigayon sa Nice, France sa Hunyo 2025.
Gipangunahan sa Departament of Foreign Affairs (DFA) Maritime and Ocean Affairs Office ang inter-agency consultation meeting.
Ang mga nisalmot naglakip sa mga representante gikan sa Climate Change Commission, National Economic and Development Authority, Department of Environment and Natural Resources, Philippine Statistics Authority, Department of Transportation, Department of Energy, Palawan Council for Sustainable Development, Philippine Coast Guard, Philippine Navy , ASEAN Center for Biodiversity, Department of Science and Technology-National Academy of Science and Technology, Department of Defense, DFA, mga importanteng eksperto sa kadagatan, siyentista ug akademya.
Ang grupo naghisgot sa lain-laing mga paagi sa pagpangandam alang sa komperensya. Ang UNOC nagtumong sa pagpakusog sa aksyon alang sa SDG 14 o ang pagkonserba, pagpanalipod ug malungtarong paggamit sa kadagatan.
