GENERAL SANTOS CITY – Makadawat og P6,500 ang mga operator sa mga pampublikong sakyanan nga kabahin sa hinabang sa gobyerno tungod sa nasinatian nga pandemic.
Matud pa kang Renato Padua, regional director sa Land Transportation Franchising and Regulatory Board (LTFRB) 12 nga ang maong pondo ang kabahin sa Bayanihan Act 2.
Sa iyang pamahayag nga kapin pa sa 1,000 ka mga operators ang wala nakompleto ang ilang mga rekositos.
Ang makadawat sa maong ayuda ang mga aktibong franchise holder.
Apan gipaklaro ni Padua nga kung expired ang franchise og nahitabo sulod sa panahon nga nasinatian ang pandemic pwede gihapon makonsidera .
Ang maong pondo ang ipaagi sa bangko hinungdan nga kinahanglan ang bank account sa operator.
Sa pagkakaron giasikaso pa ang mga kinahanhglanon nga mga rekositos aron madawat na sa mga benepisyaryo.
