GENERAL SANTOS CITY -Lauman nga magpahigayon pa ug daghan nga mga operasyon ang mga kapulisan sa Polomolok South Cotabato human sa daghan nga krimen nga natigayon sa maung lugar.
Kahibaluan nga grupo sa ISIS-inspired Dawlah Islamiya terrorist group ang gitudlong responsable sa daghang krimen nga natigayon sa Polomolok.
Nasayran usab nga daghan ang mga namatay sa mga nasampit nga grupo sa mga nakalabay nga operasyon apan daghan usab ang nakaikyas.
Kini human gikabalak-an sa mga residente sa nasampit nga muhimo ug panabotahe ang maong terror group pinaagi sa paghimo ug mga kagubot.
Hinuon gipaklaro ni Police Captain Rommel Hitalia Deputy Chief sa Polomolok Municipal Police Station nga dili sila muhunong sa paggukod sa mga nahibilin pa sa nahisgutang grupo aron hingpit ng masumpo ang paghimo ug krimen sa lugar.
