Mga OFW og foreign workers gikan sa ubang nasud mag-voluntary exit tungod sa covid 19 sa South Korea

GENERAL SANTOS CITY – Nakadesisyon ang kadaghanan sa mga Overseas Filipino Worker kon OFW sa South Korea nga mag-voluntary exit na lang tungod sa padayon nga pagkaylap sa kaso sa Coronavirus Disease 2019 kon COVID-19.

Kini ang gibutyag ni Kim Carlo dela Cruz nga usa ka OFW sa Daegu City, South Korea.

Matud pa niini nga hilabihan kataas ang pila sa mga gustong magpalista aron mag-voluntary exit suwkahi kaniadto.

Kadaghanan sa mga mag-voluntary exit mga OFW nga nahuman na ang ilang kontrata samtang aduna usab mga foreign workers nga gikan sa ubang nasud.

Samtang panalagsa nalang ang nagabiyahe nga pampasaheroang sakyanan tungod sa kahadlok nga takbuyan sa nasampit nga sakit.