Gihangyo sa Malacañang ang mga OFW nga dumadapig ni kanhi Presidente Rodrigo Duterte nga mamahimong kalmado ug abri ang hunahuna kalabot sa kaso karon sa kanhi presidente sa International Criminal Court.
Kini nunot sa “zero remittance week” nga gitakda sa grupong Maisug Croatia sa Europe nga gitakda sa Marso 28 hangtod Abril 4 aron i-insister nga ibalik sa Pilipinas si kanhi Presidente Duterte.
Sa press briefing sa Malacañang, si Palace Press Officer Atty. Claire Castro nanghinaot nga masabtan sa mga OFW nga nagsunod lang sa balaod ang gobyerno ug sabton usab ang mga Pinoy nga nipasaka og kaso batok sa kanhi presidente.
Gihatagan og gibug-aton ni Castro nga dili lang ang gobyerno ang maapektuhan sa zero remittances nga himuon sa mga OFWs apan lakip na ang ilang mga pamilya nga nagsalig sa ilang remittances.
Matod sa opisyal nga nanghinaot ang mga OFWs nga patas ang ilang plano aron mahupay ang tensiyon kalabot sa isyu sa kanhi presidente.
