GENERAL SANTOS CITY – Naalarma na matud pa karon ang mga negosyante sa siyudad tungod sa operasyon sa Kabus Padatoon kon KAPA, nga makonsidera matud pang economic sabotage.
Kini gumikan sa ginahimo matud pang pagtakuban nga ginahimo sa grupo ni Joel Apolinario, nga negosyo nga investment pinaagi sa donasyon o makonsiderang pagpangilad gawas pa nga wala gabayad ug buhis.
Gumikan usab matud pa sa KAPA, daghan na ang dili na gustong magtrabaho gumikan mas gipili nga paabuton na lang ang binulan nga madawat.
Gawas niini, wala na usab matud pay ganahan nga magnegosyo, butang nga makaapekto matud pa pag-ayo sa ekonomiya sa siyudad.
Gumikan niini, gapahigayon na ug serye sa mga panagtigom ang grupo sa mga negosyante aron hisgutan ang mga himuong lakang ug solusyon sa maong problema.
Dungan niini, nanawagan sila sa gobyerno nga muaksyon gumikan maapektuhan usab apil ang panggamhanan.
