GENERAL SANTOS CITY – Tinud-on sa syudad ang paggukod sa mga negosyante nga sikreto nga namaligya ug takal nga produktong petrolyo dungan sa pagbahad nga taralon sa korte ang kinsa man nga nagpaluyo sa maong ginbuhaton.
Kini ang pahayag ni city administratory Atty. Franklin Gacal Jr. kalabutan sa pagpalusot sa produktong petrolyo agi sa kadagatan.
Matud ni Atty. Gacal nga seryoso ang syudad sa pagpatuman sa Presidential Decree No. 1865, ang balaud nga magpatuman ug silot sa kinsa man nga malambigit.
Sa gipahigayon nga meeting nga gipatawag ni Gacal mitambong ang taga Bureau of Fire, Philipine national Police , ug business permit and licensing office aron sikopon ang illegal nga gabaligya ug petroleum products dinhi sa syudad nga pagsupak sa Batas pambansa number 33.
Nanawagan usab sa publiko ang little Mayor nga hunungon ang pagpalit sa palusot nga petroleum products nga gibaligya pinaagi sa pagsulod sa botelya lakip ang uban nga likido nga naa sa daplin sa dalan.
Matud ni Gacal nga alay kasiguruhan ang naasoy nga produkto sa posibilidad nga gipeke ang naasoy nga produkto.
Kini nga aktibidad ang paghikaw sa syudad nga makatigum ug buhis gikan sa mga lihitimo nga negosyante nga naglukat ug business permits, nagbayad ug buhis, ug uban nga bayrunon nga ginakolekta sa mga lihitimo nga gas stations.
