GENERAL SANTOS CITY – Nagpaklaro si Ben Claudio presidente sa GenSan Chamber of Commerce and Industry kalabutan sa gihangyo nila nga tax relief sa dakbayan sa real property tax og sa business tax.
Matud pa ni Claudio nga sa bahin sa real property tax ang buhis nga gisingil sa lokal nga gobyerno sa mga tag-iya sa mga propiedad.
Gumikan niini dili lamang sa bahin sa mga negosyante ang ilang matabangan apan sa ubang mga sektor.
Sa pahayag ni Claudio nga wala pa nakabawi ang mga negosyante sa epekto sa COVID 19 samtang nadugangan pa ang problema gumikan sa pagtaas sa presyo sa produktong petrolyo.
Gani giangkon niini nga dili usab 100% nga tax relief ang ilang hangyo apan kunhuran lamang ang ilang ibayad nga buhis lakip na ang real property tax nga dakong tabang aron nga mapagamyan ang ilang galastuhan.
Nasayran nga mihangyo na kaniadto ang business sector alang sa tax relief apan wala nakapasa tungod daghan nga konsehal ang mibabag.
